2016 жылдың 15 қыркүйегінде Ахмет Байтұрсынов атындағы Қостанай мемлекеттік университетінің мәжіліс залында «Ғылыми және (немесе) ғылыми-техникалық қызмет нәтижелерін коммерцияландыру жобаларын қаржыландыру» ҚР Заңын жүзеге асыру мақсатында таныстыру  рәсімі өткізілді.

«Қазақстан Республикасы Білім жəне ғылым министрлігінің Ғылым комитеті» ММ атынан, «Ғылым қоры» АҚ-ның  жобалық дирекциясының директоры Қанат Искаков,  2016 жылға ғылыми жəне (немесе) ғылыми-техникалық қызмет нəтижелерін коммерцияландыру жобаларын қаржыландыру туралы толық ақпарат беріп, түсіндіріп өтті.

«Ғылым қоры» АҚ-ның  жобалық дирекциясының директорымен кездесуінде ҚМУ-дың жетекшілері, оқытушылар, кафедра меңгерушілері, декандар болды.

Байқаудың өткізілуі туралы толық ақпаратты ҚР БҒМ Ғылым комитетінің сайтында: sc.edu.gov.kz оқи аласыздар.

ҚМУ-дың баспасөз хатшысы: Алла Чечёткина