Журналистика және коммуникациялық менеджмент кафедрасы Білім орталығымен бірлесе отыра, А.Байтұрсынов атындағы Қостанай мемлекеттік университетінде құқық және экономика институтынң студенттері үшін Қостанай қаласының 140 жылдығына арналған іс шара өткізді. Аға оқытушы Амангелді Шүрентаев студенттерді қаланың құрметті азаматтары және университет профессорлары Сапар Қолдыбаев, Ақылбек Шаяхмет, Юрий Бондаренко және Нағашыбай Мұқатовпен таныстырды. Студенттер Қостанай туралы өлең жолдарын оқыса, кеш қонақтары тарихи оқиғалар мен бастарынан өткен жағдайлары жайлы мәлімдеді. Студенттер қала болашағына қатысты өзекті мәселелерді көтеріп, қызықты сұрақтар қойып жатты.  

2 қазан Халықаралық Мұғалімдер күні қарсаңында А. Байтұрсынов атындағы ҚМУ ғылыми кеңесінің кеңейтілген отырысы өтті. Отырысқа 500-ден астам адам қатысты: ПОҚ, студенттер, магистранттар, докторанттар. Бұл формат кең ауқымды мәселелерді талқылауға мүмкіндік берді.Президенттің Жолдауы мен ҚР 2016-2019 жылдарға арналған БҒДМБ орындалу барысы туралы баяндама талқылаудың негізгі тақырыбы болды.Сонымен қатар талапкерлерді қабылдау, түлектерді жұмысқа орналастыру, жұмыс берушілермен өзара әрекеттесу, университеттің есепті кезеңдегі қаржылық жағдайы, білім беру бағдарламаларын аккредиттеу, халықаралық ынтымақтастық мәселелері қаралды.Қазақстан Республикасының Білім және ғылым министрі А.Аймағамбетовтың тапсырмасын орындау үшін біз жалақыны арттыру бойынша үлкен жұмыс атқардық, университет қызметкерлері қыркүйек айынан бастап жалақыны 20% - ға жоғары алатын болады.Жолдау аясында жоғары білім беру жүйесіндегі сыбайлас жемқорлық тәуекелдеріне және оған қарсы тұрудың нақты шараларына баса назар аударылды. Біз ҚМУ сыбайлас жемқорлықсыз аймаққа айналуға тырысамыз. Ол үшін "ҚМУ - адалдық алаңы" жобалық кеңсесін, "Адал ұстаз", "Адал жастар" ұтқыр топтарды құрудамыз. Сыбайлас жемқорлыққа қарсы стратегия университеттің жалпы даму стратегиясындағы маңызды мәселе болып табылады.Алдағы оңтайландыруға байланысты мен Мемлекет басшысының тапсырмаларын және 2025 жылға дейінгі БҒДМБ аясындағы жаңа бағыттарды жүзеге асыру тұрғысында университет қызметкерлерінің алдында тұрған міндеттер мен перспективаларға назар аудардым. Диалог сындарлы өтті. Ұжым қызметкерлері көптеген қызықты сұрақтар қойды, олардың кейбіреуі отырыста тез шешіліп, қалғандары назарға алынды. Университет профессорларынан стратегиялық маңызды сындарлы ұсыныстар түсті. Педагогтар мен студенттердің позитивті және оптимистік көңіл-күйі қуантады.Өз кезегінде ҚМУ әкімшілігі олардың шығармашылық, зияткерлік және ғылыми әлеуетін жүзеге асыру үшін қажетті жағдайларды жасауды жалғастырады.

А.Байтұрсынов атындағы Қостанай мемлекеттік университетінің "EcoTeam" командасы «Шелл Қазақстан» серіктестігімен және қаржылық қолдауымен Kazenergy қауымдастығы ұйымдастырған Student Energy Challenge зияткерлік командалық жарысқа қатысты.  Команда құрамында экология мамандығының 4 курс студенттері: Айым Нуржанова  (топ басшысы), Асем Какимжанова ,Жанерке Ким  және Жанна Алдамжарова  болды.  Жобаның жетекшісі - Юнусова Гульнара Батырбековна.  2019 жылдың 23-24 қыркүйегінде Нұр- Сұлтан қаласында Student Energy Challenge инновациялық идеялар байқауы өтті, ол еліміздің мұнай-газ саласының басты оқиғаларының бірі болып табылатын «Kazenergy Week 2019» құрамына кіретін XI Kazenergy жастар форумының «Жастар және заманның қиындықтары» аясында өткізілді.  Student Energy Challenge мақсаты - қазақстандық жоғары оқу орындарының студенттері құрған энергиямен байланысты ең перспективалы және белсенді жобаларды қолдау.  Биыл төрт тақырыптық бағыт таңдалды: қоршаған ортаға эмиссияларды азайту, қалдықтарды басқару және қайта өңдеу, цифрландыру, энергия үнемдеу және мұнай-газ саласындағы энергия тиімділігі.  Жарысқа командалардың рекордтық саны қатысты - 70. Осы жылдың маусым айында  13 команда іріктеліп, осы жылдың 1 және 2 шілдесінде  олар Назарбаев Университетінің алаңында Нұр-Сұлтанда өткен «NXplorers» тренингіне қатысты.  Тәуелсіз сарапшылардың қорытындылары бойынша рейтингтік тізім жасалып, жартылай финалға 9 команда, оның ішінде EcoTeam командасы іріктелді.  Қазылар алқасы мүшелерінің алдында жобалық паспорттарын қорғау осы жылдың 23 қыркүйегінде Нұр-Сұлтан қаласында өтті.

23 қыркүйекте Әмбебап оқу залы А. Байтұрсынов ат. ҚМУ бірлесе отырып «Қазақтың қос бәйтерегі» әдеби кешін өткізді. 2019 жылы жалпы халықтық оқу үшін Әбіш Кекілбаевтің «Аңыздың ақыры» романы мен Әбділда Тәжібаевтің лирикалық шығармалары таңдап алынды. Кездесуге Қазақстан Жазушылар одағының мүшесі, ақын С.Оспанов, филология ғылымдарының кандидаты Қ. М. Мырзағалиева, А. Байтұрсынов ат. ҚМУ жас маманы О. Е. Пішенбай шақырылды. Қонақтар 2019 жылдың басты шығармалары мен оқырман алдында ағынан жарылатын олардың авторлары туралы айтып берді. Шара барысында екі автордың өмірі мен шығармашылық жолдарына арналған бейнесюжеттер, сондай-ақ «Аңыздың ақыры» романының бейнешолуы көрсетілді, Әбділда Тәжібаевтің өлеңдері оқылды. Жас талант Н. Қуандықовтың орындауындағы музыкалық нөмірлер әдеби кештің сәнін келтіре түсті. Аталған әдеби кешке арналған «Қазақтың қос бәйтерегі» кітап көрмесі ұйымдастырылды. Екі автордың шығармалары және олардың өмірі мен шығармашылықтары жайындағы тамаша басылымдар қойылған «Әбділда Тәжібаев: қазақ поэзиясының пырағы» және «Әбіш Кекілбаев: өмір мен аңыз» бөлімдері көрменің көңіл аударатын негізгі бөлігі болды. «Бір ел – бір кітап» акциясына белсенді қатысуға және 2019 жылдың басты шығармасын оқып шығуға шақырамыз.

Алматыда ҚР Тұңғыш Президенті қорының студенттік стипендиясын тағайындау бойынша республикалық сайыстың қорытындысын жариялады. Еліміздің үздік студенттері стипендия иегерлері атанды. Олардың қатарында біздің университеттің «Қазақ филологиясы» мамандығының 2 курс магистранты Сырым Жанжігітов те бар. Сырым Елбасы қорының стипендиаты атану үшін қатаң сайыс талаптарынан өте білді. Биыл тоғызыншы рет өткізіліп отырған республикалық байқау екі турдан тұрды. Бірінші тур оқу орнында өткізілді, ал екіншісін Қор ЖОО ұсынған студенттер арасында ұйымдастырды. 27 мамыр мен 28 маусым аралығында өткізілген конкурсқа Нұр-Сұлтан, Алматы, Ақтөбе, Қарағанды, Қаскелең, Көкшетау, Қостанай, Қызылорда, Павлодар, Петропавловск, Семей, Түркістан, Өскемен және Шымкент қалаларының 350-ден астам студенттері қатысып, оның 80-і ғана жеңімпаз атанды. Стипендияны оқу барысында, сонымен қатар әлеуметтік және ғылыми-зерттеу жұмыстарында ерекшеленген жеңімпаздар бір жыл бойына алмақ. Біз шын жүректен құттықтай отыра, алдағы өмірінде жаңа жетістіктер мен сәттілік тілейміз!  

Қостанай мемлекеттік университетінің «Аялы жастар» клубы ұйымдастырған «Доброта наших сердец» атауымен өткізілген кезекті поэзия кеші 26 қыркүйек күні орын алды. Университет аудиториясында түрлі факультеттердің талантты студенттері жиналды. Олар үшін ыңғайлы атмосфераға жасауға жағылған майшамдар, ыстық шай мен тәттілер септігін тигізді. Кеш бағдарламасында көптеген номерлер болды: классиктердің, заманауи авторлардың әндері мен өлеңдері, сонымен қатар студенттердің өздері жазып, шығарған туындылар. Бұның барлығы да қарапайымдылық пен жылулық сезімін қалыптастырды. Әдебиетке жақын жүрген студенттер көбінесе Сергей Есениннің өлең жолдарын оқып жатты. Әр шыққан студентті көрерменнің көзайымына айнала білді деп айтуға толықтай негіз бар. Поэзия кеші барлығының да көңілінен шықты.