Экономика және Құқық институты (Ахмет Байтұрсынов атындағы Қостанай мемлекеттік университеті) Қостанай облысы әкімдігінің тілдерді дамыту басқармасымен бірлесіп 2019 жылғы 18 қазанда "Ономастика: ізденіс пен тәжірибе"тақырыбында ғылыми-тәжірибелік конференция өткізді. Конференция жұмысына А.Байтұрсынов атындағы Қостанай мемлекеттік университетінің тарихшылары, филологтары, Өмірзақ Сұлтанғазин атындағы Қостанай мемлекеттік педагогикалық университеті, Ақтөбе облысының тілдерді дамыту басқармасының ономастика бөлімінің басшысы, өлкетанушылар, педагогтар, мемлекеттік қызметкерлері, қоғам өкілдері, БАҚ өкілдері, мәдениет қызметкерлері қатысты. Конференцияның басты мақсаты-тарихи топонимдер туралы мәліметтерді жинау, жүйелеу және реттеу, елді мекендер мен олардың құрамдас бөліктерін ономастикалық жаңарту бойынша ұсыныстар әзірлеу. Конференцияның пленарлық бөлімінде қазақ ономастикасының көрші елдердің топонимикалық кеңістігімен өткен қазіргі және болашақ Қостанай облысының топонимикасының өзара байланысы, ономастиканың идеологиялық аспектілері, Ақтөбе өңірінің топонимикалық бейнесі, ономастика саласындағы ғылыми-практикалық мәселелер туралы баяндамалар тыңдалды. Ал секциялық жұмыста қатысушылар конференция материалдарын талқылап, пікір алмасты. Іс-шара қорытындысы бойынша ұсыныстар қабылданды.

22.10.2019 жылы Қазақстан тарихы және философия кафедрасы "Тарих" және "құқықтану" мамандықтарының студенттеріне арналған "сана шегі (қазақстандық дискурс)" атты ғылыми мақалалар жинағының тұсаукесерін өткізді. Тұсаукесерді кафедра меңгерушісі, философия ғылымдарының кандидаты Д.Б. Тойматаев жүргізді. Студенттер алдында жинаққа енген мақалалардың авторлары сөз сөйледі: Юрий Бондаренко - философия ғылымдарының кандидаты, профессор және Денис Качеев - философия ғылымдарының кандидаты, "Қазақстан философиялық конгресі" қоғамдық бірлестігінің Солтүстік Қазақстан бөлімшесінің төрағасы. Санаға философиялық көзқарас, тарих мифологизациясы және қоғамдық сананы манипуляциялау мәселелері талқыланды.

2019 жылдың 18 қазанда сағ.1100 А. Байтұрсынов атындағы ҚМУ SMART–ЦЕНТР конференц-залында Тәрбие жұмысының басқармасы, Жастар ісі жөніндегі комитеті және этникааралық және конфессияаралық келісім мәселелерін зерттеу орталығының бірігіп ұйымдастыруымен «Ел бірлігі – Рухани келісімде» атты дөңгелек үстел өтті. Бұл іс-шараға ғылыми және шығармашылық зиялылар, дәстүрлі дін, этномәдени бірлестіктер өкілдері, профессорлық-оқытушылар құрам, БАҚ, университеттің студенттері шақырылды. Дөңгелек үстелдің спикерлері ретінде Тәрбие жұмысының басқармасының басшысыГ.С.Беркенова, поляк этномәдени бірлестігінің төрағасы В.Л.Радомский, діни мәселелерді зерттеу орталығының бөлім жетекшісі Д.А.Дисюков, Қостанай қалалық «Жайлаубай Ата» мешітінің наиб-имамы Д.И.Қосылбаев, Қостанай және Рудный Епархиясының православ шіркеуінің діни өкілі, богословия бакалавры Отец Виталий в миру В.П. Клебасөз сөйледі. Өз баяндамалармен сөз сөйлегендер «Ақпараттық технологиялар факультетінің студенттері: Қалғапар Қуаныш 4 курс, Құрбанбек Нургуль 1 курс. Дөңгелек үстелге қатысушылар халықаралық қауымдастықта біздің елімізде тұратын және біртұтас замануи және бәсекеге қабілетті зайырлы мемлекетті белсенді құрып жатқан Қазақстан халқын құрайтын барлық ұлт өкілдерінің толеранттылығын, конфессияаралық және мәдениетаралық келісімін қамтамасыз етуге бағытталған бірізді саясатымыз қазірдің өзінде кеңінен танылып отырғандығын атап өтті. Диалог алаңында студенттерді қызықтыратын сұрақтар қойылды.

2019 жылы 16 қазанда №1А ғимаратынын 208 аудиториясында сағат 12:00-де «Экономикалық теорияның ғылыми-әдістемелік мәселелері: теория және практика» атты университеттік семинардың «Рухани Жаңғыру» бағдарламасы аясында түлектерді жұмысқа орналастыру проблемалары» тақырынба университет деңгейінде жұмыс берушілер мен түрлі мамандықтар түлектерінің кездесуі болды. Жиналыс жұмысы бұрын жарияланған бағдарламаға сәйкес өтті. Жиналысқа қатысушылардың баяндамалары мен сөздері үлкен ықыласпен тыңдалды. Отырыстың қарарын қабылдау жұмыс тобына жүктелді. Жиналыстың модераторы – э.ғ.д., профессор С.М. Жиентаев    

Қазан айының 12 - 13 жұлдызында А. Байтұрсынов атындағы ҚМУ қалалық пікір - сайыс турнирін өткізді. Осы турнирге белсенді жастар, болашақ лидерлермен қатар дебат өнерінің қыр-сырын білетін, осы интеллектуалдық ойын арқылы талай жыл тәлім алған аға буындар да қатысты. Пікір - сайыс әлеміндегі айбынды додаларды дәстүрден де жоғары бағалайтын, қағидасын қызық қып тағалайтын талант тұлпарларының тарландары, сөз сұлтандарының арландары "Ахмет Ұрпақтары" клубының ораторлары мен координаторлары әділетті төрешілік жасады. Бас төреші болып Назира Асан сайланды. Турнирдің алғашқы кезеңінде 28 команданың ішінен ең жоғарғы баллмен бағаланған 16 команда келесі кезеңге жолдама алды. Ал ең жоғарғы спикерлік баллға ие болған 16 қатысушы "Үздік спикер" номинациясы үшін таласуға мүмкіндік алды. Тәжірибе алмасу, болашақ ұлт зиялыларын тәрбиелеу мақсатында өткен іс-шараның өң - бойы мерекелік көңіл - күймен қатар, күрделі құрылымын жоғалтқан жоқ. Себебі осы турнирде бір уақытта "Координатор кубогі - 2019", "Үздік спикер" кубогі, "Жастар финалының кубогі" ойнатылды. Ойын нәтижесі бойынша "Үздік спикер" болып Сүлеймен Жұман атанды. Турнир барысында сөйлеген сөзімен де, қызықты атымен де ерекшеленген "16 - микрорайон"  командасы "Жастар финалы кубогінің иегерлері атанды. Бас жүлде ең мықты, ең лайықты "Бони и Клайд" командасына бұйырды. Біз барша жеңімпаздарды шын жүректен құттықтаймыз! Ұйымдастырушылар мен қатысушылар биік деңгейдегі ойын көрсетті. Осылайша, қызыл тілден қан тамызған Қостанай пікірсайысшылары арасындағы дария достықтың асыл арнасы кеңейіп, кемел болашақтың көкжиегі нұрланды

«Журналистика» мамандығының студенттері арасында «Inn & Science Asia» ғылыми - білім беру орталығы (Өскемен қ.) ұйымдастырған І Республикалық қашықтық олимпиадада журналистика және коммуникациялық менеджмент кафедрасының студенттері жеңімпаз атанды. Олимпиада екі кезеңнен тұрды. Алғашқы кезең – үй тапсырмасы, яғни қазіргі қоғамдағы бір өзекті тақырыбына мақала, сюжет немесе сұхбат жіберу болса, екінші кезеңде топ мүшелері ұйымдастырушылар әзірлеген сұрақтарына жауап беріп, кейс тапсырмаларын шешу қажет болатын. Нәтижесінде сайысқа қатысқан 12 топтың ішінен университетіміздің «Журналистика» мамандығының 4 курс студенттері Аитина Берекетова, Сағыныш Ибрагим, Әйгерім Шаяхметовадан құрылған топ (ғылыми жетекшісі аға оқытушы А.Шурентаев) І орынға ие болса, 2 курс студенттері Сурадж Алиев пен Иван Лещевтің тобы (ғылыми жетекшісі аға оқытушы А.Сулейменова) ІІ орынды иеленді. Журналистика және коммуникациялық менеджмент кафедрасы студенттерді және ғылыми жетекшілерін жеңістерімен құттықтай отырып, алар асуларыңыз бен шығар белестеріңіз көп болсын дейміз!