2016 жылдың 07 сәуірі күні, ішкі академиялық ұтқырлық шеңберінде іс-сапармен университетімізге Л.Н.Гумилев атындағы Еуразия ұлттық университетінің «Қаржы» кафедрасының профессоры, экономика ғылымдарының кандидаты,  Есымханова Зейнегуль Клышбековна келді. Ол сапарының бірінші күні университет басшылығымен кездесті. Есымханова З.К. университет ректоры  Х.Х.Валиевпен, оқу және тәрбие жұмысы жөніндегі проректор А.А.Абсадыковпен, ғылыми жұмыс және сыртқы байланыстар жөніндегі проректор Ж.Б.Жарлыгасовпен және экономика факультетінің деканы Е.В.Васильчукпен кездесті.   Кездесу соңында ҚМУ ректоры   университеттер арасында ғылым және білім саласы бойынша  бірлесіп жұмыс жасау жөніндегі Меморандумға қол қойды.      

2016 жылы 06 сәуірде аграрлық-биологиялық факультетінде #1 емхананың "Отбасын жоспарлау орталығының" дәрігері студенттерге "Отбасын құру және репродуктивті денсаулықты қорғау" тақырыбына дәріс өткізілді. Кездесу кезінде студенттер өздері үшін жаңа мәліметтер алып қана қоймай, өздерін қызықтыратын сауалдарға маманнан жауап та алды. Репродуктивті денсаулық-дегеніміз дені сау баланы жоспарлау,көтеру және туу. Оны сақтау әйел адамның да, еркектің де міндеті болып табылады. Әрбір бала-отбасы үшін аңсаған бала, ал болашақ баланың ата-анасы дені сау моральдық және әлеуметтік тұрғыда дайын болулары қажет.    

Жеңіспен оралды!       Сәуір айының 1 мен 3-нің аралығында Астана қаласында өткен  халықаралық дебат турнирінен университетіміздің 2 командасы (Сагаров Әнуар - ГӘФ 1-курс студенті,  Азамат Тоқтарбай ТҚФ 1-курс студенті, Буқабаев Әнуар – ИТФ 2-курс студенті және Қамза Азамат – ГӘФ 1-курс студенті) олжалы оралды.    Аталмыш шараны Назарбаев университеті ұйымдастырған болатын. Сөз-додада  ҚМУ студенттері  2-орынды қанжығаларына байлады.     Халықаралық пікір-сайысқа  барлығы 56 команда қатысты.  Оның ішінде көршілес Ресей және Қырғызстаннан келген пікірсайысшылар бар.  ТМД көлемінде ерекше құрметке ие пікірсайысшылар, Мәскеуден келген Роберт Устян және Шамхал Муратазалиев турнирдің бас төрешілері болды.   Сөз-дода шеберлерінің сөзіне сүйенсек жарыс халықаралық деңгейде ұйымдастырылған.  

Наурыз мейрамы – Қазақстанда және басқа да көптеген елдерде тойланатын көктемнің жаңару мерекесі. Бұл мереке көктемнің жаңару, махаббат пен достықтың, жемістіліктің белгісі болып табылады.  Наурыз – бұл жаңа жылдың басталуы, көктемнің келуі, жер бетіндегі барлық жандының қайта туу күні. Мерекенің келуімен қазақ халқы бір-біріне қонаққа барады және жаңа жылдың басталуымен құттықтайды.  Осы жылдың 17 наурызында Наурыз мейрамын тойлау үшін экономикалық факультетінің шаңырағы астында бір тату отбасындай факультеттің профессорлық-оқытушылық құрамы мен барлық курс студенттері жиналды. Көктемнің бұл шуақты күнінде мерекенің қонақтары мен қатысушылары ұлттық дастарханның тағамдарынан дәм татты, қазақ халқының тұрмысы мен дәстүрлерін көрді, домбыраның күмбірлеген дауысымен тамсанды және қазақ халқының қонақжайлылығын сезіне алды. Бұл мейрамның басты дәстүрлі тағамы Наурыз көже болды.  коже. Факультеттің оқытушылары мен студенттерінің күшімен қазақтың «Тұсау кесу», «Бесікке салу» және «Құйрықбауыр» сияқты дәстүрлері көрсетілді. Мерекенің барлық қатысушылары дипломдармен және мақтау қағаздарымен марапатталды. 

Сұлулық тәжі кімге бұйырды?          Сұлулық — адам баласына берілген нығметтердің бірі. Ол тек бетіңіздің тегістігімен, көзіңіздің әдемілігімен, тісіңіздің түзулігімен өлшенбейді. Сұлу адам деп нағыз көркем мінез иесін айтады. Әдемі болып көріну — өнер. Оған дүйім жұрт 30-наурыз күні тағы бір көз жеткізді. Қостанай мемлекеттік университетінде жылдағы дәстүрмен "ҚМУ аруы-2016» байқауы өтті.  Байқауға қатысуға білім ордасының әртүрлі факультеттерінен барлығы он бойжеткен өтініш берген. Алайда,  Дарья Шилова есімді ару аяғын жарақаттап алғанына байланысты байқауға қатыса  алмады. Дарья әділ қазылардың шешімімен «Талпынысы жоғары ару» атағымен марапатталды.   Қыздар сайысты әдеттегідей әдемі дефилемен бастады. Одан кейін бейнеролик арқылы өздерін таныстырып, қойылған сұрақтарға мүдірмей жауап берді. Шығармашылық кезеңінде аруларымыз ән айтып, би билеп, тіпті актерлық қабілеттерін де көрсетті. Бәрі де керемет кешкі көйлектерімен есте қалды.     «Вице-Мисс» атағын  Әсел Молдашева еншіледі. Ал, «ҚМУ аруы-2016» мәртебесі инженерлі-техникалық факультет студенті Диана Қаскееваға берілді. Сайысқа қатысқандардың ешқайсысы да марапатсыз қалмады, әртүрлі номинацияларға ие болды.                                                                                                     Арайлым ҚАБИМОЛДАҚЫЗЫ, ҚМУ журналистика факультетінің 2-курс студенті.   

«Тәуелсіздік ұрпақтары: жастар ғылымының маңызы және дамуы»       Қалыптасқан дәстүр бойынша университетімізде  өңірлік мәртебеге ие студенттік конференция өткізілді. Бүгінге дейін өткізіліп келген конференцияда бакалавриаттардың өз зерттеулерін, магистрлік, докторлық диссертациялар, сондай-ақ дипломдық жұмыстарды қорғау мақсатқа алынды. Конференцияның өзіндік бірнеше міндеттері болды. Әр факультеттен тәжірибелері нақты, әрі ғылыми қоғамдасттыққа байланысты жазылған материалдар іріктеуден өтті.       Конференция   Қазақстан республикасының тәуелсіздігінің 25 жылдығына орай өткізілді.  Тақырыбы - «Тәуелсіздік ұрпақтары: жастар ғылымының маңызы және дамуы».    Қазіргі таңда еліміздің әлеуметтік-экономикалық көрсеткіштері әлемдік рейтингтерден көрініп  және  халықаралық беделі жоғарылай бастады.    Қостанай мемлекеттік университетінің, оның ішінде студенттердің күшімен инновациялық өңірлік  тақырыптарда оқу-әдістемелік, ғылыми, ақпараттық технологиялар жаңалықтары енгізілді.      Бүгінде университет ғалымдары 40-тан астам тіркелген ғылыми тақырыптармен жұмыс істеуде. 2016 жылы 10-нан астам ғылыми гранттар жүргізіліп зерттеулер бойынша 40 шаруашылық шарттары жүзеге асты.     Конференция жұмысы 7 секциядан тұрды: Аграрлық-биологиялық ; ветеринарлық және ауыл шаруашылық ғылымдары; инженерлік-техникалық; әлеуметтік-гуманитарлық; физика-математикалық; ақпараттық; экономика ғылымдары. Отырысқа   оқытушылар, студенттер, магистранттар және докторанттар шақырылды. Соңында қорытындысы шығарылып, жеңімпаздары анықталды. 1,2 және 3 орындар иеленген қатысушылар, дипломдар мен ынталандыру сыйлықтарына ие болды.