ҚМУ акт залында «Бадрисафа» би ансамблінің есеп беру кеші өтті. Ансамбль «Өнер» студиясы құрылғаннан бері өнер көрсетіп келеді.     «Бадрисафа» би тобы - университет сахнасының көркі ғана емес, көптеген облыстық байқаулардың жүлдегері. Сонымен қатар бишілеріміз республикалық би сайыстарының да дипломанты атанып жүр.   Ансамбльдің репертуарында 30-ға жуық би бар. Бұл тізім жыл сайын толығып отырады. Есеп беру концерінде олар 8 би нөмірін  көрсетті. Би қойылымдары көрермендердің көңілінен шықты. Тарих және құқық факультетінің 4-курс студенті Сергей Новосельцев бүгінгі концерттің «жұлдызы» болды. Ол өзге ұлт өкілі бола тұрса да қазақтың төл аспабы домбыраны жетік меңгерген.    

Ол - Қазақстан Жазушылар одағының мүшесі, әлем халықтары жазушылар одағының мүшесі, филология ғылымдарының кандидаты, Ахмет Байтұрсынов атындағы ҚМУ профессоры, халықаралық шығармашылық Академиясының корреспондент-мүшесі, ҚР мәдениет қайраткері, Қазақстанның құрметті журналисі. Ақын А.Шаяхмет Бұқар жырауға және Бейімбет Майлинге, Нұржан Наушабайұлына арналған республикалық жыр мүшәйраларының жеңімпазы. Қостанай Жастар ұйымының, Бүкілодақтық әуесқой шығармашылық фестивалінің лауреаты. «Ана тілі» газетінің лауреаты. А.Байтұрсынов атындағы медальмен, «Қазақстан Тәуелсіздігіне 10 жыл» және «Ерен еңбегі үшін» медалімен марапатталған. 2007 және 2008 жылдары өткен «Астана-Бәйтерек» республикалық ұлттық конкурсының жеңімпазы, «Дарабоз» бәйгесінің жүлдегері. Қостанай қаласының құрметті азаматы.   Алматы қаласындағы «Дәстүр» баспасынан жарық көрген А.Шаяхметтің «Сөз» атты жаңа өлеңдер жинағына әр жылдары жазған өлеңдері енгізілді. Олардың тақырыбы сан алуан. Автор тәуелсіздік жемістері туралы тебірене жырласа, ел ішіндегі  келеңсіз көріністерді де тілге тиек етіп, жас ұрпақты имандылыққа үндейді. Сондай-ақ Ақылбек Шаяхметтің «Каскалар мен маскалар» деп аталған Қостанайдағы «Қарлығаш» баспасынан жарық көрген жаңа кітабында оның кейінгі жылдары жазған прозалық шығармалары мен мақалалары, көсемсөздері топтастырылған. «Ақылбек ақын айтқан екен» деген бөлімде жазушының әр жерде табан астында айтқан ұтымды да қанатты сөздері жинақталып отыр. Ал енді Қостанайдағы «Баспа үйі» шығарған «Нар қазақ - намысы бар қазақ» атты кітабының өзіндік ерекшелігі бар, ол төте жазумен басылған. Оған жазушының соңғы жылдары баспасөз бетінде және Ғаламтордағы әртүрлі сайттарда жарық көрген туындылары жинақталды. Жинақ шетелде тұратын бауырларымызға арналған. Сонымен қатар орыс тіліндегі «Голос степи» жинағы Ахмет Байтұрсынов атындағы Қостанай мемлекеттік университетінің профессоры Юрий Бондаренконың алғы сөзімен Астанадағы «Фолиант» баспасынан жарық көрді. Бұл жинаққа жазушының драмалық шығармаларымен қатар орыс тіліне аударылған прозалық туындылары мен өлең-жырлары енген.                                                                                                 Айдын Бәймен

Әдістемелік инновация айының шеңберінде экономика факультетіндегі басқару және іскелік әкімшілік кафедрасы «Менеджмент және  маркетинг» пәндік олимпиадасын өткізді. Іс-шараны өткізудегі басты мақсат -студенттердің оқуға қызығушылығын арттыру, алған білімдерін жетілдіру және іскерлік белседіліктерін дамыту. Олимпиада іскерлік ойын түрінде өтті. Сайысқа   4 топ қатысты.  Олимпиада қортындысы бойынша жүлделі бірінші орынды қаржы және банк ісі кафедрасының студенттері иеленді. Екінші орын бухгалтерлік есеп және аудит, ал үшінші орын басқару және іскелік әкімшілік кафедрасының студенттеріне бұйырды.    

А. Байтұрсынов атындағы ҚМУ  мәжіліс залында тәрбие жұмысы жөніндегі Басқармасы және этникааралық және конфессияаралық келісім мәселелерін зерттеу орталығы, оның жетекшісі Жангелді Арсенұлы Шаукенов, тарих ғылымдарының кандидаты, «Марал Ишан» мешітінің имамы - Бақытбек қажы Нұрғабылұлы Тәжімбет, қалалық мешіттің бас имамы - Шоқан қажы Ғазизұлы Әмірханов, Қостанай облысының әкімдігінің Дін істері басқармасының бас маманы - Н.Әбішев студенттермен кездесті.    Олар «Ислам және зайырлы қоғам»  1-курс студенттеріне   дәріс оқыды. Кездесуде діннің бала тәрбиесіндегі, қоғамдағы орны жайлы көптеген деректер айтылды.      

  Ақпараттық технологиялар факультетінде «Ашық есік  күні»  өтті. Іс-шараға қала мектептері қатысты.  Факультет студенттері   оқушыларға    шағын концерт қойды.     Сондай-ақ, студенттік декан Аслан Абдулов     университетіміздің   тарихы туралы мағмұматпен бөлісті. Оқушылар ақпараттық технологиялар факультетінің оқу барысымен де танысты. Кездесу соңында бірнеше мектеп оқушылары емтиханның бесінші пәні ретінде физика пәнін таңдайтындықтарын айтты. 

А.Байтұрсынов атындағы Қостанай мемлекеттік университетінде  жігіттер арасында «ҚМУ МAN-2016» сайысы  өтті. Сайысты Жастар бастамаларын дамыту орталығы мен «Арулар Отауы» студенттік клубы ұйымдастырған. Байқауға  қатысуға ынталы 15 үміткердің ішінен 9 студент сайысқа жолдама алды. Олар 4 конкурс бойынша өз өнерлерін ортаға салды: өзін таныстыру, қол күресі, әскери дайындық,   шығармашылық және классикалық дефиле. Сайыс қорытындысы бойынша  «ҚМУ МAN-2016» атағына экономика  факультетінің студенті Ғалым Жанайдар ие болды. Ал вице  «КГУ МAN-2016» атағы  ветеринария және мал шаруашылығы технологиялары факультетінің студенті Марат Қабденге бұйырды.  Басқа да сайыскелер құр алақан  қалмады, әр түрлі номинацияларға ие болды.