А.Байтұрсынов атындағы Қостанай мемлекеттік университетінде «SerpinStart-Up» бизнес-жобалар байқауы болып өтті. Байқаудың негізгі мақсаты - қазіргі шағын және орта бизнестің дамуына студенттерді тарту.     Байқауға   А.Байтұрсынов атындағы Қостанай мемлекеттік университеті, Қостанай мемлекеттік педагогикалық институты, Рудный индустриялды институты, сондай-ақ М.Дулатов атындағы Қостанай инженерлік-экономикалық университетіндегі «Серпін» бағдарламасы бойынша  білім  алып жатқан студенттер  қатысты. Қатысушылар   ғылыми жұмыстарын   шектеулі уақыт ішінде қорғап шығып, әділқазылар алқасының  сұрақтарына дәл жауап қайтара алды. Жобалар сайысының қорытындысына келетін болсақ: 1-орын иесі - ҚМПИ-нің студенті  Аяулым Әбілдаева. Ол  қозғалысы шектеулі балаларға арналған мультимедиялық  және  ортопедиялық арбаның үлгісін көрсетті. Ал  2-ші және 3-ші орын иелері  – Садық Ерсаят және Тоха Дархан.  Байқауға қатысқандардың барлығы  алғыс хатпен    марапатталды.    

Берекені көздеген ел мерекелі тірлік жасаудан жалықпаған.    Жыл сайын 1- мамыр күні  Қазақстан аумағында тұрып жатқан 150-ден астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды. Еліміздегі этностарды бұрынғыдан да жақындастыру үшін бүкіл Қазақстанда жаппай патриоттық шерулер өтеді.  «Бір шаңырақ астында» атты салтанатты-мерекелік іс-шара А.Байтұрсынов атындағы Қостанай мемлекеттік университетінде  де өтті.     Бұл фестиваль - "Наурыздың жеті қадамы" атты мерекелік іс-шаралар топтамасының соңғы кадамы.  Мерекені   студенттер мен мұғалімдер ұжымы жылдағы әдетпен тал отырғызу рәсімімен бастады.  Іс-шараны әсем ән мен би жалғады.  Сонымен қатар, факультеттер  әр  ұлттың салт-дәстүрінен шағын көріністер көрсетті.    

26.04.2016 ж. ҚМУ алдындағы алаңда "Журналистика" мамандығының 3 курс студенттерінің бастамасымен, филолог-студенттердің қостауымен алғаш рет "Асық Party" ұйымдастырылды. Салауатты өмір салтын ұстану, ұлттық ойындарды дəріптеу, жастар арасында кеңінен насихаттау мақсатын көздеген іс-шара қызу да тартысты өтіп, көптің көңілінен шықты. "Асық Party" жүргізушілері - топ кураторы Сеитова Саян Тельмановна жəне студент Кенжеғұл Жанболат жастарды екі топқа бөліп, асық ойнатса, кейін "Қызыл ту" ойнын өткізіп, іс-шараны "Сақина салумен" аяқтады. Асық атудан алға суырылып, "Мерген" номинациясын ұтып алған ең үздік ойыншы Аманбаев Наурызбай болса, Боранбай Мағжан 2 ұпайға ұтылып, үздіктердің қатарында көріне білді. Студент-жастардың игі бастамасы жалғасын тауып, дəстүрлі түрде өткізіліп тұрады деген нық сенімдеміз!        

2016 жылдың  15 сәуір күні сағат 11.00-де экономикалық факультетте «Байтұрсын  оқулары – 2016»  халықаралық ғылыми-тәжірибелік конференциясының аясында ұйымдастырылған, «Ғылым, өндіріс, бизнес: қазіргі жағдайы және елдің инновациялық дамуының жолдары» тақырыбындағы «Мәңгілік Ел ұлттық идеясы – қазақстандық білім берудің негізі» ортақ отырысы өтті. Отырыста э.ғ.д., профессор С.М. Жиентаев, э.ғ.к, доцент Д.С. Кенжебекова, аға оқытушылар В.А. Шмидт, К.М. Кужукеева, Г.К. Алтынбаева, Г.Е. Есімхан баяндамалары тыңдалды. Ортақ отырысты өткізу барысында экономикалық пәндерді оқытудағы туындайтын мәселелерді шешуге бағытталған сұрақтар талқыланды, экономикалық емес мамандықтардың студенттеріне экономиканы оқытудың түрлі әдістері қарастырылды, студенттердің сабақтардағы өзіндік жұмысы арқылы оқыту сапасын арттырудың түрлі факторлары ұсынылды.  

Патриоттық сезім мен әділдікдікті қалыптастыру және экстремизм мен терроризмге төзбеушілікке тәрбиелеуге, Қазақстанда көрініп жатқан   экстремистік топтардың негізгі белгілерімен таныстыру үшін «Қаржы және банк ісі»  кафедрасының 2 және 3 курс студенттерінің кураторлары Ахметкали Т.А. және Салькина А.С. 2016 жылдың 26 сәуірі күні  «Діни экстремизм мен терроризмнің алдын-ала жолын алу әдістері» атты тақырыпқа кураторлық сағат өткізді. Кураторлық сағатты өткізуге этника аралық және конфессиялар аралық мәселелерді зерттеу орталығының директоры и.ғ.к., философия кафедрасының доценті  Шаукенов Ж.А. қатысты.   Қоғам ортасында  террористік және  экстремистік көрінімдерді болдырмау үшін олардың алдын-алу шараларын дер кезінде өткізу қажет. Әсіресе, бұл шараларды жастар арасында өткізу өтө маңызды, өйткені жастар арасы әртүрлі факторлар себебінен қоғамға қарсы және қылмыстық әрекеттер жасайтын топтардың құрықтарына өте тез ілінуге дайын екені сөзсіз.     

Ақпараттық технологиялар факультеті әдістемелік айының шеңберінде  «Инновациялық кәсіпорындардың өкілдерін тарту мен Қостанай аймағында индустриялық-инновациялық даму мемлекеттік бағдарламасының мәселелері және даму жолдары» тақырыбына дөңгелек үстел өткізді.  Іс-шараға  Технологиялық машиналар мен жабдықтар (Мехатроника траекториясы) мамандығының студенттері мен  магистранттары, Бағдарламалық қамтамассыз ету кафедрасының профессорлары мен оқытушылары  және Қостанай облысының жастар саясаты басқармасының өкілі Т. Жазитов, «СарыАркаАвтоПром» ЖШС-нің маманы А.Темирова  қатысты. Дөңгелек  үстел барысында магистранттардың баяндамалары тыңдалды: Н. Карцев  – «ИИДМБ, оның мақсаттары, мәселелері және оны Қостанай облысында жүзеге асыру».    Е. Водясов – «Инновациялық өндіріс - болашақ техника ғылымдарының магистрі көзімен».    Р. Подгорнов – «Кәсіпорындар мен адам өміріндегі  инновацияның даму  рөлі».