А.Байтұрсынов атындағы Қостанай мемлекеттік университетінің алаңында Бүкіләлемдік Универсиада 2017 алауы эстафетасын салтанатты тапсыру рәсімі өтті. Аталған іс-шараға ҚМУ ректоры Хусаин Хасенұлы Валиев, ЖОО басшылығы және студенттер қатысты. Бүкіләлемдік Универсиада ойындарына шаңғы жарысынан ҚМУ-дың гуманитарлық-әлеуметтік факультетінің 2 курс студенті Пухкало Виталий мен экономикалық факультеттің 2 курс магистранты Эбель Валентина қатысатынын естеріңізге саламыз. Университет басшылығы және студенттер біздің спортшыларымызға сәттілік пен жеңіс тілейді!

Математика – ғылымның атасы. Оның көмегімен көптеген айтулы мәселелерді шешуге болады. Біздің университетімізде осы салаға әуес студенттер өте көп. Мұны Ахмет Байтұрсынов атындағы Қостанай мемлекеттік университетінің ақпараттық технологиялар факультетінің «Математика» мамандығының студенттері дәлелдеді. Біздің студенттер V Республикалық «Жас ғалым» атты оқушылар мен студенттердің ғылыми жұмыстар сайысына қатысып, жеңімпаз атанды. Сайыс нәтижесінде бірінші орынға ие болған «Математика» мамандығының 2-курс студенттері Динара Өміртаева, Тоғжан Ғинолла және үшінші орынды иеленген Анна Колесникова. Студенттеріміздің осындай жоғары көрсеткішті көрсетуі, оларға бағыт-бағдар берген ғылыми жетекшілері Берденова Гүлнар Жалғасқызы және Рыщанова Сания Мұхамедярқызының ерен еңбегінің арқасында екені белгілі. Ақпараттық технологиялар факультетінің ұжымы жеңіске жеткен студенттер мен олардың жетекшілерін құттықтап, алдағы уақытта да, жоғары жетістіктерге жетуге тілектестіктерін білдіреді.

Экология кафедрасының оқытушылары З.Г. Жокушева, С.К.Кожевников және 3 курс студентті С. Тайшибай халықаралық қысқы суда жүзетін және су маңайындағы құстарды санау жұмысына қатысты (IWC – International Waterbird Census). Қазақстанда санақ жұмысын (ҚБСА) Қазақстанның биоәртүрлілікті сақтау ассоциациясы ұйымдастырды. Синхронды санау жұмыстарының негізгі мақсаты – жүзетін құстардың нақты санын белгілеп, сирек кездесетін түрлерін анықтау болып табылады. Мамандар жиналған ақпарат негізінде, сирек кездесетін құстардың қазіргі жағдайын анықтап, оларды сақтап қалу іс-шараларын жүргізуде. ҚМУ-дың бақылаушылар тобы құстарды Қостанай қаласының Тобыл өзенінде, Рудный қаласының Соколов-Сарбай жинағы мен Қаратомар суқоймасында бақылау жұмыстарын өткізді. Нәтижесінде, біздің аймақта барылдауық (жабайы үйрек), сұр үйректер қыстап жатқаны анықталды.

ҚМУ-дың экономика факультетінде «Экономист күніне» арналған семинар-байқау өткізілді. Аталған іс-шараға факультеттің  10 оқытушысы мен 30 студенті қатысты. Сайыстың негізгі мақсаты: экономиканың мән-жайын түсініп, студеттер мен оқытушылар арасында байланыс орнатып, бірігіп жұмыс жасау болды. Қатысушылар ойын әдістерін қолдана отырып, байқау сұрақтарына жауап берді. Нәтижесінде жеңімпаздарға арнайы сыйлықтар мен мадақтау қағаздары тапсырылды. Іс-шара қызықты және жоғары деңгейде өтті.

А. Байтұрсынов атындағы Қостанай мемлекеттік университетінің  «Психология және педагогика» кафедрасының аға оқытушысы О.В. Ельчищеваның бастамасымен жыл сайын (6 жыл) жаңа жыл қарсаңында қайырымдылық іс-шарасы өткізіледі. Аталған қайырымдылық шара Қостанай қаласының Кәмелетке толмағандарды бейімдеу орталығындағы тәрбиенушілерге жаңа жылдық сыйлықтар жинап, ертегі әлеміне саяхат жасауға бағытталған. Университеттің оқытушылар ұжымы мен студентері  бұл іс-шараға жоғары белсенділікпен жылда қатысады. КТБО балаларына жиналған барлық сыйлықтар 2016 жылдың 28 желтоқсанда  жаңа жылдық шырша мерекесі күні тапсырылды. Бұл күні қатысушылар сәнді, мерекелік костюмдер киіп спектакль көрсетті. Кеш соңында балаларға бос уақытты тиімді өткізуге арналған, ойлау қабілетін дамытатын арнайы ойындар, тәтті сыйлықтар және ойыншықтар тапсырылды. Жиналған сыйлықтардың көптігіне байланысты кафедра ұжымы жартысын Қостанай қалалық әйелдер мен балаларға арналған бейімдеу орталығына тапсыру шешімі қабылданды. Тәтті сыйлықтар орталық  балабақшасының тәрбиеленушілеріне жаңа жыл шыршасында тапсырылады деп жоспарлануда. Кәмелетке толмағандарды бейімдеу және әйелдер мен балаларға арналған Қостанай қалалық бейімделу орталықтарының әкімшілігі педагогика және психология кафедрасының оқытушыларына, студенттеріне, ЖОО басшылығына арнайы алғыс хат жіберді.   Кафедра ұжымы қайырымдылық іс-шараға ат салысқан, қаржылай көмек көрсеткен сиқыршыларға, "А.Байтұрсынов атындағы ҚМУ-дың даму қорына" шексіз ризашылығын білдіреді.

Экономика факультетінің «Басқару және іскерлік әкімшілік» кафедрасының студенттері арасында ҚР Тәуелсіздік күніне арналған «Тәуелсіздік тұғыры биікте» атты эссе байқауы өтті. Байқауға кафедраның 15-тен астам студенттері қатысты. Мемлекеттік және жергілікті басқару мамандығының 1-3 курс студенттері жоғары дайындықпен көзге түсті. Шараның өткізілу мақсаты – білім алушылардың патриоттық деңгейін және азаматтық ұстанымын анықтау, елге және оның келешегіне құрметпен қарауын қалыптастыру болды. Байқаудың негізгі міндеттері: республиканың прогрессивті дамуын ілгерілету және насихаттау, жастарды толғандыратын мәселелер бойынша көзқарастары мен идеяларын ашық айтуға мүмкіндіктер беру, білім алушылардың белсенді азаматтық ұстанымын ынталандыру. Студенттер желтоқсанның 7-нен 15-ші жұлдызы аралығында тақырыпқа байланысты эссе жазды. Арнайы құрылған әділқазылар алқасы қабылданған эсселерді желтоқсанның 20-на дейін қарастырды. Нәтижесінде «Мемлекеттік және жергілікті басқару» мамандығының 1 курсында білім алып жатқан студенттер: 1-ші орынды Дәулетова Мөлдір, 2-ші орынды Балмаш Абай,  3-орынды Дюндик Максим иеленді. Қатысушылар мен байқау жеңімпаздары мақтау қағаздарымен және ақшалай сыйлықтармен марапатталды.