Ақпанның 1-ші жұлдызында «Qostanai» телеарнасының «Тобыл таңы» таңғы бағдарламасы университетіміздің ректоры А.І.Дощанова және «Рухани жаңғыру» офисінің жетекшісі А.А.Әбсадықтың қатысуымен өтті. Тікелей эфир барысында «Рухани жаңғыру» бағдарламасы, Жастар жылы және «Ұстаздың мәртебесі туралы заңның» әзірленуі және тағы да басқа сұрақтар талқыланды. Бағдарламаның толық нұсқасын төмендегі сілтеме бойынша көрулеріңізге болады. http://kostanaytv.kz/ru/archive/programs/programs_morning/kst_tobyl-tany/890545

          2019 жылдың 25-27 қаңтар күндері А.Байтұрсынов атындағы Қостанай Мемлекеттік университетінде дәстүрлі "KGU CUP - XIII" ректор кубогіне арналған Халықаралық пікірсайыс турнирі өткізілді. Негізгі мақсаты: мемлекет басшысы Н.Ә. Назарбаевтың 2019 жылдың "Жастар жылы" болып бекітілуіне байланысты жастарды қолдау және олардың патриоттық сезімдерін арттыру болды. Турнирге Алматы, Астана, Шымкент, Қостанай, Павлодар, Орал, Ақтөбе қалаларынан өтініштер қабылданып, қазақ лигасы бойынша 36 фракция, 72 спикер қатысты. Төрешілер құрамында қалалық , облыстық және республикалық турнир жеңімпаздары болды.        А.Байтұрсынұлы атындағы Қостанай Мемлекеттік университетінің Жастар бастамаларын дамыту орталығының меңгерушісі Орынбай Тахирұлы сөз сөйлеп, киелі білім ордасының тарихына тоқталып, барлық қатысушыларға сәттілік тілеп, "Жастар жылымен" жалынды жүректерді құттықтады. Турнир қатысушылары облыстық тарихи өлкетану мұражайын аралап, өңіріміздің тарихымен танысты. Пікірсайысшы жастар арнайы топқа бөлініп спорттық сайыста мықтылықтарын дәлелдеді. Халықаралық турнирдің алғашқы күні пікірсайысшылар мен төрешілер брифингімен қорытындыланды.  Тартысты өткен республикалық пікірсайыс турнирінің қорытындысы бойынша талантымен ерекшеленіп, жоғары нәтиже көрсеткен Ақтөбе және Алматы қаласы пікірсайысшылары «Бізге Құдай ғана төреші» фракциясы – Нұркен Жәкен мен Әбдіғалы Әйкерімге А.Байтұрсынұлы атындағы Қостанай Мемлекеттік университеті ректорының арнайы жүлдесі табысталды. Қазақ лигасы бойынша жүлделі ІІІ дәрежелі дипломмен Орал және Астана қаласының пікірсайысшылары Л.Гумилев атындағы Еуразия ұлттық университеті студенті Азамат Махамбет пен Ж.Досмұхамедов атындағы жоғарғы педагогикалық колледжінің Арман Нұрлан студенттерінен құралған "Қостанайда таныстық" , Жүлделі ІІ дәрежелі дипломмен Л.Гумилев атындағы Еуразия ұлттық университеті студенттерінен құралған «Скаймаг пен Ланая» тобы – Пашен Жанбота мен Рахим Шахзадаев марапатталды. Халықаралық пікір сайыс турнирінің «Үздік спикер» номинациясына Астана қаласы пікірсайысшысы Пашен Жанбота, «Үздік төреші» номинациясына Асан Назира лайық деп танылды.                                                                                                                                                                                                                                                                                                                            

2019 ж. 17 қаңтарда жыл сайын өтетін ғылыми-әдістемелік «ИННОВА-2019» конференциясы өтті. Конференция жұмысы Қазақстан білім берудің заманауи мәселелерін, бәсекеге қабілетті маманның жаңа моделінің инновациялық көздерін талқылауға бағытталған. Конференция жұмысына тек біздің университеттің ғана емес, сонымен қатар Ө.Сұлтанғазин атындағы Қостанай мемлекеттік педагогикалық университетінің және Н.Ф. Қатанов атындағы Хакас университетінің оқытушылары, докторанттары мен магистранттары қатысты. Конференция аясында 3 секция бойынша жұмыс істеді: «Жаңа гуманитарлық білім. Қазақ тіліндегі 100 оқулық»; «Қазақстанды цифрландыру: білім берудегі АТ-технологиялар»; «Әдістемелік идеялардың 0n-line панорамасы» жоба шеңберінде аударылған оқулықтарды білім беру процесіне еңгізу және 2 дөңгелек үстел: «Мамандарды дайындауда көптілді оқытудың құзыреттілік тәсілі»; «Эразмус+бағдарламасының жобаларына қатысу арқылы жоғары білімнің әлеуетін арттыру тәжірибесі». Конференция материалдары бойынша конференция материалдарының электронды жинағы жарияланады. Мақалалар келесі ЖОО-дан ұсынылды: Астана қ.  Л. Гумилев атындағы ЕҰУ, Семей қ. Шәкәрім атындағы Университеті, Торайғыров атындағы Павлодар мемлекеттік университеті, Алматы қ. Сәтпаев атындағы ҚазҰТУ, Алматы қ. Абай атындағы ҚазҰПУ, Мәскеу қ. Ресей Жаңа университеті, Абақан қ. Н.Ф.Катанов атындағы ХМУ және Түмен мемлекеттік университеті.                                                                                                                           

2019 жылғы 21 қаңтарда А.Байтұрсынов атындағы Қостанай мемлекеттік университетінде «Жоғары оқу ішіндегі білім сапасын қамтамасыз ету жүйесі» атты семинар-тренинг өткізілді.   Семинардың мақсаты – сараптама бағалауынан өтуге және аккредиттеу дәрежесін алу туралы шешім қабылдауға ЖОО қызметін және білім беру бағдарламаларын өздік бағалау бойынша есеп құру жөніндегі талаптар мен нұсқауларды түсіндіру.   Модератор ретінде Тәуелсіз аккредиттеу және рейтинг агенттігінің (ТАРА) білім беру бағдарламаларының институттық және мамандандырылған аккредиттеуін өткізу жөніндегі жобаның жетекшісі Гулияш Балкеновна Ниязова сөйледі.   Семинар қатысушылары ТАРА стандарттарымен және критерияларымен,  ЖОО қызметін және білім беру бағдарламаларын өздік бағалау жөнінде есеп құру тәртібімен толық танысты, және де ТАРА сарапшылар тобының сыртқы сапарын өткізу бойынша нұсқама алынды.        

        Қазақстанның жоғары оқу орындарында академиялық және басқарушылық тәуелсіздігін кезең-кезеңмен кеңейтуі көзделіп отыр, осыған байланысты ҚР БҒМ нормативтік құжаттарына өзгерістер енгізілді.         Университеттегі жаңартылған құжаттармен танысу үшін «ЖОО-лардың академиялық және басқару тәуелсіздігін кеңейту контекстінде білім беру қызметі» оқыту семинарлар циклі жоспарланған. Желтоқсан айының 6-нда өткен бірінші семинарда білім берудегі жаңа нормативтік-құқықтық актілермен байланысты білім беру үдерісіндегі инновациялар қарастырылды. Оқу жұмысы және инновациялар жөніндегі проректорының м.а. Ф.Ф.Майер «Жоғары оқу орындарының қызметін ұйымдастырудың жаңа Типтік ережелері», Оқу үрдісін жоспарлау және ұйымдастыру бөлімінің бастығы А.О.Исмаилов «Кредиттік оқыту технологиясы бойынша оқу үрдісін ұйымдастыру ережелері», Ғылым және жоғары оқу орнынан кейінгі білім бөлімінің меңгерушілері А.П. Ковал және Оқу бөлімінің бастығы Т.И. Чехова «Жоғары оқу орнының жаңа мемлекеттік білім беру стандарттары және  Жоғары оқу орнынан кейінгі мемлекеттік жалпыға міндетті білім беру стандарты» атты баяндамаларымен сөз сөйледі.         Желтоқсан айының 12-нде бакалавриат, магистратура және докторантураның білім беру бағдарламаларын дамыту, сондай-ақ студенттердің жетістіктерін бағалау бойынша екінші семинар өткізілді. Бұл семинарда Ф.Ф. Майер, Т.И. Чехова және А.О.Исмаилов баяндамаларымен сөз сөйледі.

Құрметті 11 сынып оқушылары! А. Байтұрсынов атындағы Қостанай мемлекеттік университеті «Менің таңдауым - ҚМУ!» атты бейнероликтер байқауы туралы хабарлайды! Байқаудың жеңімпазы грант иегері аталынып, ақысыз түрде оқуға мүмкіндік алады. Байқауға Қостанай облысы және Қостанай қаласының жалпы білім беретін мектептерінің 11 сынып оқушылары қатыса алады. Жұмыстар 31 қаңтарға дейін қабылданады. Байқаудың ережелері мен талаптары осы жазбаның қосымшасында көрсетілген. Сайыстың негізгі қағидаларын түсіндіру үшін Ұйымдастыру комитетіне мына мекен-жай бойынша хабарласыңыз: А. Байтұрсынов атындағы ҚМУ, А.Байтұрсынов көшесі, 47 үй, бас корпус, 316 кабинет, Жастар бастамаларын дамыту орталығы. Телефондары: 7(7142)51-11-20, +7 (747)-145-64-05. Өз мүмкіндігіңізді жіберіп қалманыз!!! Байқаудың ережесі   Өтінім үлгісі