Гуманитарлық-әлеуметтік факультетінің тіл және әдебиет теориясы кафедрасыныңұйымдастыруымен қазақтың үш бәйтерегінің, С.Сейфуллин, Б.Майлин, І.Жансүгіровтың 125 жылдығынаорай және Жастар жылы аясында наурыздың 18-і мен сәуір айының 6-ы аралығында Қостанай облысы жалпы орта білім беретін мектептерінің 11-сынып оқушылары арасында «Білім жарысы» байқауы өткізілді. Байқау екі кезеңнен тұрды. Бірінші кезең сырттай өткізілді. Қатысушылар «Кітап-қазына» тақырыбына эссе жазып, электрондық поштаға жіберді. Барлығы 40 жұмыс тіркелді, іріктеліп алынғаны – 21. Екінші кезең университетте өтті. Бұл кезеңде оқушылардың оқу сауаттылығы мен мәнерлеп оқу шеберлігі тексерілді. Байқау қорытындысы бойынша ең жоғары нәтиже көрсеткен Жангелді ауданындағы Ы. Алтынсарин атындағы орта мектептің 11 сынып оқушысы Ақбота Дүйсенбайға университеттің «6В02301-Филология» мамандығында тегін оқу құқын беретін сертификат табысталды.   

А.Байтұрсынов атындағы Қостанай мемлекеттік университеті «Менің таңдауым – ҚМУ!» бейне-байқауының қорытындысын шығарды. Байқау жеңімпазы таңдаған мамандығы бойынша тегін білім алу құқына ие болды. Биыл төртінші жыл өткізіліп отырған бейне-байқауға Қостанай облысының қазақ және орыс тілді 11-ші сынып оқушылары мен колледж түлектері қатыса алады. Тегін білім алу сертификатына ие болу үшін үміткерлер өтініш береді және А.Байтұрсынов атындағы ҚМУ-не түсу себептерін көрсететін 3-5 минуттық бейнефильм жасайды.   Бағалау критерийлері: контенттің бәсекелестікке сәйкестігі, өзіндік ерекшелігі, университет туралы ақпараттың болуы, презентацияға және дизайнға шығармашылық көзқарас.  Конкурстың финалистері, 7 оқушы конкурстық комиссия алдында бейне-роликтерін ұсынды және дауыс беру нәтижелері бойынша тек екіеуіне білім алу грантына сертификатберілді.Олар - Қостанай қаласының №5 орта мектебінің 11 сынып оқушысы Аружан Сәрсенбаева мен №10 орта мектептің оқушысы Жасұлан Нүсіпқан. Оқушылар ҰБТ-ны жақсы тапсырған жағдайда ғана ректордың грантына ие бола алады.   Байқау жеңімпаздарына сертификаттар соңғы қоңырау салтанатты шарасында табысталады, ал осы жолы барлық финалистер байқауға қатысқандары үшін дипломдармен марапатталды.     Барлық қатысушылардың бейне-роликтерін мына сілтеме бойынша көруге болады: https://www.youtube.com/channel/UCTgzgeoQsmqhs30htE5sWUg     

2022 жылы оқу ордамыз есімін иеленген, қазақтың бір туар ұлы тұлғаларының бірегейі Ахмет Байтұрсынұлының туғанына 150 жыл толады. Айтулы дата ЮНЕСКО шеңберінде атап өтіледі. А.Байтұрсынов атындағы Қостанай мемлекеттік университеті де осы орайда, сондай-ақ Алаш ардақтысы, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы Ахмет Байтұрсынұлының мұрасын насихаттау үшін «Алаш қайраткерлері: Ахмет Байтұрсынұлының ізімен» ғылыми-ағартушылық экпедициясын ұйымдастырды. Экспедицияның мақсаты – А.Байтұрсынұлының туған жері Ақкөл, оның оқыған, қызмет еткен Торғай, Орынбор, Әулиекөл, Қарқаралы, Қызылорда, Алматы сынды тарихи мекендерді, қайраткердің түрлі себептермен табаны тиген Мәскеу, Омбы, Ташкент, Шығыс Түркістан, Айдауда болған Архангельск, Томск сияқты жерлерді арнайы аралап, ұлы тұлғаның қайраткерлік, ағартушылық қызметтері туралы мағлұмат жинау, деректі фильм түсіру, оның Алаш жұрты үшін атқарған қызметін насихаттау. Экспедиция сәуір айының 1-де Орынбор қаласынан бастау алды. Экспедиция құрамында ғылыми экспедиция жетекшісі, «Рухани жаңғыру» жобалық кеңсесінің жетекшісі Алмас Әбсадықов, Қазақстан тарихы кафедрасының меңгерушісі Серікжан Исмаилов, Журналистика және коммуникациялық менеджмент кафедрасының аға оқытушысы Амангелді Шөрентаев, «Филология» мамандығының магистранты Нұрсұлтан Қасым бар. 

Француз мәдениет орталығында өткен француз тіліндегі аймақтық ән байқауында тамаша өнер көрсеткен «Шетел филологиясы» мамандығының 2 курс студенті Гаухар Рүстемқызы 11-ші ұлттық франкофондық ән байқауына жолдама алған болатын. «Франкофондық» ән байқауы Алматыдағы Франция елшілігінің қолдауымен ұйымдастырылды. Аталмыш бәйгеде оза шапқан ҚМУ студенті жүлделі 1-ші орынды жеңіп алды. Онда қазылар алқасы қатысушылардың вокалдық мүмкіндігін ғана емес, сонымен қатар француз тілінің дұрыс дыбысталуын, фонетикасын да бағалады. Байқау нәтижесі бойынша Гаухар Францияға екі апталық тіл жетілдіру курсына барады. Тек оқу ордасының ғана емес, Қазақстанның жалауын шет елдерде желбіретіп жүрген дарынды қызымызға шығармашылық табыс тілейміз, алар асуларың көп болсын! Төмендегі сілтеме арқылы Алматы қаласында өткен сайысты көруге болады https://vk.com/wall-101192202_206

Қостанай облысының танымал журналистері, «Время» республикалық газетінің тілшісі Станислав Киселев және «Бірінші канал Евразия» телеарнасының тілшісі Владимир Крикун «Журналистика» мамандығының студенттерімен кездесіп, оларды «Менің есімде. Өз тарихым.» Атты жаңа медиажобамен таныстырды.     «Менің есімде. Өз тарихым» жобасы – еліміздің қарапайым тұрындарының пікірі бойынша маңызды деп танылатын тарихи оқиғалар туралы естеліктеріден құралған видео-жинақ. «Бұл циклдың кейіпкерлері әртүрлі қалалар мен елдерде тұрады. Бір-бірін танымайтын тұлғаларды өткен дәуірдің суреттері жақындастырады. Әр қайсысының өткені көз алдымызда, бәрімізге таныс тарихқа айналады»,-дейді Станислав Киселев. Жоба жетекшілері «Журналистика» мамандығының 2-3 курс студенттерін жобаға қатысуға шақырып, 2019 жылдың сәуір айына журналистік зерттеудің нәтижесімен бөлісетін шеберлік сыныбын жоспарлады. Студенттерге жобаға сәйкес келетін жаңа кейіпкер тауып, онымен сұхбат жүргізу тапсырмасы берілді. 

А.Байтұрсынов атындағы Қостанай мемлекеттік университеті, Қостанай облысының қорғаныс істері департаменті және «Қарулы Күштер ардагерлері» республикалық қоғамдық бірлестігі жастар жылының аясында үш жақты ынтымақтастық туралы меморандумға қол қойды. Келісім жастардың әскери-патриоттық тәрбиесін жан-жақты дамытуға, жастар бастамаларына қолдау көрсетуге, бірлескен жобаларды жүзеге асыруға бағытталған. Келісімге қол қою барысында университет ректоры Алма Досчанова ұлттық рухтың қалыптасуының маңыздылығын атап өтті: «Жастар осы қозғалыстың қатарында болуы керек. Өйткені сіздер дене шынықтырумен айналысып, әскери мамандықтарды игерулеріңіз керек. Бұл бастама Қостанай облысы Қорғаныс істері департаментімен бірге патриоттарды тәрбиелеу процесіне белсене араласуға тиіс. Өздеріңіз білетіндей, біздің университетте аймақтағы жалғыз әскери кафедра бар. Сондықтан, әскери дайындықтың жағдайын жақсарту өте маңызды, себебі бұл патриоттық тәрбиенің негізі». Қостанай облысының қорғаныс істері жөніндегі департаментінің бастығы Асқар Ниязов ынтымақтастықтың маңыздылығын атап өтті: «2018 жылдың 30 қарашасындаәскери-патриоттық қозғалысты одан әрі дамытуға және өңірлердегі қозғалыстың филиалдарын құруға кіріскен «Отан, Елбасы, Жас Сарбаз» салтанатты шарасында «Жас Сарбаз» қозғалысының ашылу салтанаты өтті. Жастардың патриоттық тәрбиесі - әрқайсымыздың міндетіміз. Бұл міндет тек мектеп немесе жоғарғы оқу орын-дарындағы тәрбиемен шектелмей, біз жастарды өз елін мақтан тұтуға, отандастарын құрметтеуге үйретуіміз керек. Жастарды әскери-патриоттық тұрғыда тәрбиелеу жұмыста-рын мақсатты жетілдіру үшін ынтымақтастық туралы меморандум жасалды». Өз кезегінде «Қарулы Күштер ардагерлері» республикалық қоғамдық бірлестігінің төрағасы Серікбай Изимов ардагерлер әскери-патриоттық тәрбие саласындағы бірлескен іс-қимылдарға және жастарды әскери қызметке дайындауға дайын екендігін атап өтті.