А.Байтұрсынов атындағы Қостанай мемлекеттік университеті мен Г.Р.Державин атындағы  Тамбов мемлекеттік университеті арасында ынтымақтастық туралы келісімге қол қойылды. Бұған дейін заң факультетінің деканы Әлімжан Бекмағамбетов пен құқық және ұлттық қауіпсіздік институтының директоры Вера Шуняевамен екіжақты кездесуі өтті және криминалистикалық полигонды, мұражайды, пәндік аудиторияларды  аралап экскурсия жасаған әріптесіміз интеграциялық процестердің рөлі, компаративистика және болашақ заңгер мамандығы бойынша жаһандық әлемдегі құқықты жаңартудың өзекті мәселелеріне байланысты қонақ дәрісін өткізді.  Кездесу интерактивті форматта өтті, диалог пен миға шабуыл ойынының аясында қызықты пікірлермен, ойлармен, идеялармен бөлісті, өзара жаңа ақпаратпен және тәжірибемен алмасты. Одан кейін ТМУ-нің бас корпусының конференц залында ҚМУ ЗФ деканы Әлімжан Бекмағамбетовтың, Құқық және ұлттық қауіпсіздік институтының директоры Вера Шуняеваның, Халықаралық байланыстар басқармасының бастығы Ирина Безукладованың, ТМУ Азаматтық құқық кафедрасының доценті Руслан Пузиковтың қатысуымен Қазақстан-Ресей кездесуі өтті. Кездесуде академиялық алмасу, қос дипломды білім беру мәселелері пысықталды.  Қазақстан, Ресей, Беларусь, Польша елдерінің серіктес жоғары оқу орындарымен желілік өзара әрекеттестік бойынша бірқатар тиімді ұсыныстары айтылды. Енді бірлескен жол картасын әзірлеуге өзара мүдделі және жоғары, нақты көзқарас пен ниеттегі бастамаға жол ашылды.

Инновация айы іс-шаралары аясында гуманитарлық-әлеуметтік факультетінде «Мамандық ұраны» атты ашық есік күні өтті. Іс-шараны ұйымдастырушылар – журналистика және коммуникациялық менеджмент кафедрасы. Концертке Қостанай облысы аудандарының және қала мектептерінің жоғары сынып оқушылары шақырылды. Кездесудің мақсаты А.Байтұрсынов атындағы Қостанай мемлекеттік университеті студенттерінің шығармашылық және іскерлік, ғылыми және әдістемелік мүмкіндіктері туралы көрсетіп, айту болды. Факультеттің оқытушылары мен студенттері концертке жақсы пікірлері мен әр мамандық жайлы таныстыру сөздерін дайындады. Концерттен соң түлектер кафедраларға экскурсия жасап, журналистика мамандығы бойынша медиа-студия және басқа да зертханалардың жұмысымен, болашақ оқытушыларымен танысып, пікір алмасты.  

12 сәуір – ғылым күні. ҚМУ-дегі ғылым – бұл инновациялар, эксперименттер, зерттеулер, гранттар, патенттер, олимпиадалар және ғалымдар мен студенттердің ғылыми қоғамдас-тығының еңбегі. Ғылыми мектептер, жоғары білікті профессорлық-оқытушылар құрамы, 3I ғылыми басылым, шетелдік жоғары оқу орындармен ынтымақтастық, магистратура және докторантура - отандық ғылымның дамуына лайықты үлес. Бүгін Қостанай мемлекеттік университетінің акт залында өзінің кәсіби мерекесін атап өту үшін оқу орнының ғалымдары, студенттері, магистранттар мен докторанттары жиналды. Оларды университет ректоры Алма Досжанова құттықтады. Айтулы мерекеге орай үздіктерді төсбелгілермен марапаттады. «Ғылымды дамытуға сіңірген енбегі үшін» төсбелгісі аграрлық-биологиялық факультетінің деканы, ауыл шаруашылығы ғылымдарының кандидаты Ниязбек Калимовқа; қаржы кафедрасының доценті, экономика ғылымдарының кан-дидаты Налима Сартановаға; мал шаруашылығы өнімдерін өндіру технологиясы кафедрасының доценті, ауыл шаруашылық ғылымдарының кандидаты Инна Брел-Киселеваға берілді. «Еңбек ардагері» медалімен агрономия кафедрасының профессоры, ауыл шаруашылығы ғылымдарының кандидаты Валерий Мищенко; педагогика және психология кафедрасының профессоры, педагогика ғылымдарының кандидаты Шушаник Саркисян; практикалық лингвистика кафедрасының профессоры, филология ғылымдарының кан-дидаты Әлия Нұрсеитова; информатика кафедрасының меңгерушісі, педагогика ғылымдарының кандидаты Ағима Муслимова; экономика және қаржы, бухгалтерлік есеп бас-қармасының бас маманы Акшал Ахметов марапатталды. Ал жас ғалымдарға ректордың мақтау қағазы мен алғыс хаттар берілді. Мереке қонақтарының арасында Қостанай облысының колледждерінің студенттері болды. Ректор үздік түлектерге ҚМУ-де тегін оқуға мүмкіндік беретін сертификаттар табыстал-ды. Мұндай сертификатқа ие болған колледж түлектерінің саны – 8. Олар: Қостанай политехникалық колледжінің, Қостанай ауылшаруашылық колледжінің, Қостанай автомобилькөлігі колледжінің, Лисаков техникалық колледжінің және Жітіқара политехникалық колледжінің түлектері. Бұл – ҚМУ-нің Қазақстан Республикасының тұңғыш Президентінің жар-иялаған Жастар жылына жауабы.    

2019 жылдың 7 сәуірінде А.Байтұрсынов атындағы Қостанай мемлекеттік университетінің бір топ ғалымдары Орынбор қаласынан «А.Байтұрсынов ізімен: Орынбор кезеңі» ғылыми экспедициясынан оралды. Ғылыми экспедиция құрамында «Рухани жаңғыру» жобалық кеңсесінің жетекшісі Алмас Әбсадықов, Қазақстан тарихы кафедрасының меңгерушісі Серікжан Исмаилов, журналистика және коммуникациялық менеджмент кафедрасының аға оқытушысы Амангелді Шөрентаев, «Филология» мамандығының магистранты Нұрсұлтан Қасым, ҚМУ-нің баспасөз қызметінің маманы Қуаныш Жангужин бар. Бүгін олар өңірлік коммуникация орталығында тілшілерге жүрген-көргендерін айтып берді. Орынбор сапары жайында қысқа фильм көрсетілді. Ғылыми экспедицияның негізгі мақсаты – А.Байтұрсыновтың өмірі мен шығармашылығына байланысты тарихи орындарды аралап, материалдар жинастыру, мұрағатта жұмыс жасау, деректі фильм түсіру. Ғылыми экспедиция Ахмет Байтұрсыновтың өмірі мен шығармашылығына байланысты тың деректер жинаумен айналысқан. Ұлы ағартушының Орынбор қаласында тұрған үйі мен жұмыс істеген «Қазақ» газетінің редакция ғимаратына барып, арнайы түсірілім жұмыстары жасалған. Мұрағаттағы жұмыстардың арқасында Ахмет Байтұрсынов шығармашылығы жайлы тағы да деректер табылды. Экспедиция мүшелерінің сөзінше, алдағы уақытта Ахмет Байтұрсыновтың туған жері Ақкөл ауылына барып, арнайы ғылыми жинақ шығару, деректі фильм түсіру жоспарланған.

Қызылорда қаласында "құқықтану негіздері" секциясында жалпы білім беретін пәндер бойынша оқушылардың республикалық олимпиадасы өтті. Онда Қостанай қаласы мектептерінің оқушылары заң ғылымдарының кандидаты, заң факультетінің азаматтық құқық және процесс кафедрасының аға оқытушысы Юрий Симининнің жетекшілігімен жүлдегер атанды. Естеріңізге сала кетейік, ағымдағы жылдың 25-29 наурызында Қызылордада мектеп пәндері бойынша республикалық олимпиада басталды. Оған Қазақстанның барлық аймақтарынан 700-ге жуық оқушылар қатысты. Бекежанов атындағы облыстық театрда өткен олимпиаданың жабылу салтанатында жүлдегерлерге дипломдар табыс етілді. Қостанай оқушылары жеңімпаздарының қатарында 11 сынып оқушылары Ксения Зубенко (2 орын, ГМГ), Саяна Санакова (3 орын, Озат) және 10 сынып оқушылары Екатерина Саенко (2 орын, 23 мектеп) және Дарья Васина (3 орын, 23 мектеп) бар. Біз оқушыларды және оларды жеңіске жетелеген Юрий Григорьевичті құттықтаймыз!

Қызылорда қаласында "құқықтану негіздері" секциясында жалпы білім беретін пәндер бойынша оқушылардың республикалық олимпиадасы өтті. Онда Қостанай қаласы мектептерінің оқушылары заң ғылымдарының кандидаты, заң факультетінің азаматтық құқық және процесс кафедрасының аға оқытушысы Юрий Симининнің жетекшілігімен жүлдегер атанды. Естеріңізге сала кетейік, ағымдағы жылдың 25-29 наурызында Қызылордада мектеп пәндері бойынша республикалық олимпиада басталды. Оған Қазақстанның барлық аймақтарынан 700-ге жуық оқушылар қатысты. Бекежанов атындағы облыстық театрда өткен олимпиаданың жабылу салтанатында жүлдегерлерге дипломдар табыс етілді. Қостанай оқушылары жеңімпаздарының қатарында 11 сынып оқушылары Ксения Зубенко (2 орын, ГМГ), Саяна Санакова (3 орын, Озат) және 10 сынып оқушылары Екатерина Саенко (2 орын, 23 мектеп) және Дарья Васина (3 орын, 23 мектеп) бар. Біз оқушыларды және оларды жеңіске жетелеген Юрий Григорьевичті құттықтаймыз!