Студенттік өзін-өзі басқару – оқуды, тұрмысты, бос уақытты ұйымдастыру бойынша өмірлік маңызды мәселелерін шешу жөніндегі студенттердің ынталық, дербестік және  жауапты қызметі. Студенттік өзін-өзі басқару факультетте оқу-тәрбиелік процесті басқарудың жалпы жүйесінің элементі болып табылады және студенттердің қоғамдық пікірін зерттеу негізінде олардың мүддделерін, қажеттіліктерін есепке алуды қарастырады.

Студенттік өзін-өзі басқарудың негізгі мақсаттары болып табылады:

- студенттердің құқықтары мен мүдделерін білдіру және қорғау;

- студенттердің мүдделеріе қатысты білмі беру, әлеуметтік-тұрмыстық және басқа да мәселелерді шешуде студенттерге көмек көрсету;

- жастардың әлеуметтік жауаптылық сана-сезімін дамыту үшін жағдайлар жасау, қоғамның өзекті мәселелерін шешуге қатысу;

- студенттердің демократиялық дәстүрлерін сақтау және дамыту;

- білім беру мен ғылыми міндеттерді шешуге, тәрбиелік процестерді және студенттердің бос уақыты мен тұрмысын ұйымдастыруға басқару органдарына көмек көрсету.

Студенттік өзін-өзі басқарудың негізгі міндеттері болып табылады:

- студенттерде оқуға, қоғамдық қызметке қатысты жауапты және шығармашылық қарым-қатынасты қалыптастыру;

- студенттердің азаматтық, әлеуметтік және кәсіби дамуына көмек көрсету;

- студенттердің ғылыми және кәсіби мүдделерін есепке ала отырып білім беру процесінің сапасын көтеру бойынша ұсыныстарды әзірлеу;

- студенттік қоғамдық шараларды, студенттік конференцияларды, дөңгелек стөлдерді, түлектермен кездесулерді және т.б. ұйымдастыру;

- патриоттық рухты тәрбиелеуге, студенттердің санасын және олардың өздерінің білім деңгейіне деген талаптарын көтеруге, мемлекеттік мүлікке деген ұқыпты қатынасты тәрбиелеуге бағытталған жұмыстарды жүргізу.

Студенттік өзін-өзі басқару – құқықтық және демократиялық қоғамда өмірге белсеңді азаматтарды дайындаудың жолдарының бірі, сондықтан факультетте студенттік өзін-өзі басқаруды дамыту тұлғаның қалыптасуына көмектесетін үлкен қоғамдық мәнге ие.